A Red, Red Rose

Robert Burns (1759-1796)


1     O my Luve's like a red, red rose,
2         That's newly sprung in June;
3     O my Luve's like the melodie
4         That's sweetly play'd in tune.

5     As fair art thou, my bonie lass,
6         So deep in luve am I;
7     And I will luve thee still, my Dear,
8         Till a' the seas gang dry.

9     Till a' the seas gang dry, my Dear,
10       And the rocks melt wi' the sun;
11   I will luve thee still my Dear,
12       While the sands o' life shall run.

13   And fare thee weel, my only Luve,
14       And fare the weel, a while!
15   And I will come again, my Luve,
16       Tho' it ware ten thousand mile!